HKBP LumbanjuluDi taon 1894, roma sahalak amanta na margoar Amos Lumbantobing manang na margelar Op.David Lumbantobing tu luat Lumbanjulu, Desa Siabalabal II jala maringanan di jabu ni keluarga nasida marga Tampubolon, huhut mamboan barita nauli hata ni Tuhanta marhite-hite Buku Nabadia ima Bibel na tahaporseai i. Jala dipapungu piga-piga halak angka natua-tua na di Lumbanjulu, Pealinta, Sitapongan, dohot Siabalabal. Marpungu ma nasida ganup ari Minggu, ima di jabu batak di simpang Sitapongan huta Lumban Sitihal Lumbanjulu.

Dung piga-piga taon, lam martamba punguan (ruas) i di na laho mamuji pasangaphon goar ni Debata marhite-hite AnakNa Tuhan Jesus Kristus dohot Tondi Porbadia. Laos dipasahat natua-tua ma sada inganan manang partapakan ima inganan laho pajongjonghon sada gereja laos margoar ma i Gereja HKBP Lumbanjulu Ressort Sipahutar, ima joro ni Debata saonnari. Jala bidang ni partapakan ni gereja i ± 1 Hektar di topi ni jalan besar.

Di taon 1900, dung jongjong gereja i ima HKBP Lumbanjulu, diangkatma Guru Huria (Porengjer) na parjolo ima Op.David Lumbantobing na sian Tarutung  na manguluhon parmingguan di gereja i. Dung adong gereja i lima taon (1905) tardidi ma gereja HKBP Lumbanjulu na diuluhon amanta Pendeta Ressort Sipahutar Pdt.Johannes Lumbantobing. Laos marroan do donganta sahaporseaon sian Tarutung, Balige dohot sian Sipahutar laho mangojakkon goar ni huria i ima ”HKBP Lumbanjulu Ressort Sipahutar Distrik II Silindung”.

  1. Gereja HKBP Lumbanjulu bidang ni lahanna ± 1 Ha, laos berdampingan do gereja i sian dung dipajongjong dohot parsikkolaan ima saonnari SDN 173170 Lumbanjulu, laos disi do sada parjabuan ni pendeta manang jabu ni huria, nang pe bangunan lama dope bentukna. Jala sahat tu sadarion, dang hea ruas ni HKBP Lumbanjulu olo manggadis lahan manang aset ni gereja i. Memang tung dao do pangaranapan ruas mamereng tu jolo di perkembangan zaman. Atik beha adong rencana ni pihak Kantor Pusat HKBP laho pajongjonghon parsikkolaan (SMK HKBP umpamana) manang na asing di bidang pendidikan, ruas HKBP Lumbanjulu rade do mangalehon inganan. Alana natua-tuanami dohot sude ruas mansai gomos do laho mamajuhon keimanan dohot pendidikan sahat ro di sadarion, jala tongtong do diopodai hami angka naposo asa lam tu majuna. Sudena i alani asi dohot holong na sian Debata na mandongani hami sude ruas ni HKBP Lumbanjulu. Anggiat ma antong dilehon Debata marhite AnakNa Jesus Kristus di hami na tinggal di huta suang songoni na di pangarantoan pasu-pasu na sumurung i. Binahen pe Profil Gereja HKBP Lumbanjulu on asa adong do tongtong siingoton di hami angka generasi berikutnya, nang pe secara singkat. Botima !
  2. Tata cara ibadah ruas ni HKBP Lumbanjulu tongtong do taat dohot di peraturan-peraturan naditontuhon Kantor Pusat HKBP. Sai adong do nian ruas i na bersoal manang berselisih paham, alai molo nunga di bagas gereja sudena i dang dibuathon tu bagasan gereja, holan hadameon do na adong selama parmingguon i. Suang songoni do antara ruas dohot parhalado nangpe olo sipata berselisih paham dang pintor olo manimbil tu gereja na asing. Sudena i ala ni poda ni natua-tua ruas ni HKBP Lumbanjulu na parjolo i sahat tu sadarion, ai biar do ruas ni HKBP Lumbanjulu tu Debata.
  3. Di na mambangun gereja, ruas ni HKBP Lumbanjulu tongtong do sada di na paturehon, nang pe i sian donor pembangunan huria na dipapungu-pungu di ganup ari Minggu, sabar do ruas i di pembangunan ni gereja i. Dang hea dope ruas ni HKBP Lumbanjulu mangido bantuan tu pangaranto anak ni ruas i na tinggal di tano parserahan, alana sai adong do tingkina na boi pabotohon tu nasida pangaranto ruas ni HKBP Lumbanjulu naung tarpasu-pasu di hagabeon di anak dohot boru manang di pangkat dohot angka pengusaha di luat tano parserahan.
  4. Molo binereng ia dung tardidi Gereja HKBP Lumbanjulu ima di taon 1905 na diuluhon Pdt.Johannes Lumbantobing, nunga silih berganti angka Guru Huria (Uluan Huria) sahat tu sadarion na manguluhon ima Porengjer (Uluan), godangna 22 halak, angka on ma :
    NO. GOAR-MARGA TAON

    1

    Gr. Amos Lumbantobing 1905 – 1914

    2

    Gr. Herman Aritonang 1914 – 1920

    3

    Gr. Herman Napitupulu 1920 – 1925

    4

    Gr. Salomo Pasaribu 1925 – 1930

    5

    Gr. Elmon Hutauruk 1930 – 1935

    6

    Gr. Tarianus Panggabean 1935 – 1940

    7

    St. Marinus Panjaitan 1940 – 1945

    8

    Gr. Kalvin Silitonga 1945 – 1950

    9

    Gr. Matheus Tampubolon 1950 – 1955

    10

    Gr. Albinus Simanjuntak 1955 – 1960

    11

    Gr. Matheus Tampubolon 1960 – 1969

    12

    Gr. Ludin Pardede 1969 – 1972

    13

    Gr. Muara Simorangkir 1972 – 1975

    14

    Gr. Midian Sianturi 1975 – 1978

    15

    St. Albinus Panjaitan 1978 – 1980

    16

    St. Torpinus Tampubolon 1980 – 1983

    17

    Gr. Basar Pardede 1983 – 1993

    18

    St. Wilmar Tampubolon 1993 – 2003

    19

    St. Albert Tampubolon 1993 –

    20

    St. Domu Tampubolon 1993 –

    21

    St. Elisten Tampubolon 2003 – 2008

    22

    St. Pariang Tampubolon 2008 s/d saonnari

PENUTUP

Laos songoni ma angka Sintua manang Parhalado na bertugas sahat tu sadarion di HKBP Lumbanjulu Ressort Sipahutar, ima :

  1. St. Pariang Tampubolon            –  Uluan Huria
  2. St. Toni Tampubolon                –  Bendahara Huria
  3. St. Albiner Pardede                  –  Sekretaris Huria
  4. St. Jisman Tampubolon
  5. St. Pegeng Tampubolon
  6. St. Elisten Tampubolon
  7. St. Bangkit Tampubolon
  8. St. Radot Tampubolon
  9. St. Alexander Silitonga
  10. St. Osman B. Hutagaol
  11. St. Mangatur Tampubolon
  12. St. Binsar Tampubolon
  13. St. Loice br. Tampubolon
  14. St. R. br. Silitonga

Songoni ma na boi hubahen hami Profil ni Gereja HKBP Lumban Julu asa adong ingotonnami, jala sekedar untuk kemajuan di ari na naeng ro tu perkembangan huria ima HKBP Lumbanjulu. Sai dipargogoi Debata ma saluhut ruas ni HKBP Lumbanjulu na di huta nang na di pangarantoan di na mangalului ngolu siapari. (Ferdinan Markus Simatupang,SH)

Narasumber : Uluan ni Huria St. Pariang Tampubolon

Poda, Bindu 7 : 1